#170 立立雜雜嘅嘢嘅一週（07/09/2025）

Book: The Lean Startup

歡迎再來到今個禮拜嘅周記，眾所周知其實一間公司去到成長到一定一地步，人嘅因素就會更加越來越會影響公司嘅命運，人嘅因素就如水，係可以載舟亦能覆舟。因而去請啱人，留啱人就係關鍵。當人係啱但做嘅嘢未如理想嘅話就要去了解多啲，試吓關心多啲，睇吓一齊解決問題。但若然處理唔好，係會限制咗公司發展亦都會為自己帶來好多頭痛，同事亦都會做得唔開心。人事對我嚟講，係極難嘅事，而亦都難以宣之於口。曾經有位前輩同我講，要解決困難 the question is not how, but who —— 佢嘅意思係即係有時唔係要諗點樣去解決嗰個困難，而係要諗要搵邊啲人去幫你解決呢個困難。

講下第啲話題。今個星期發現咗我哋庫存系統出現咗嘅一個對數問題，令到經常舖頭嘅庫存同電腦系統會出錯，呢個情況都出現咗一段時間，但係今個星期同事發現咗個原因所在，因此就可以立即修正。同時間因為呢個事情，亦都順便繼續做 backend 嘢，去諗吓點樣去將啲貨管理同埋查貨做得更加好，減省所有同事嘅負擔，盡量如果有電腦可以自動化做到嘅嘢就減少用人手做。有時呢啲嘢能夠夠先準備就先準備，善用時間。跟住仲有關於Barcode系統嗰度，實行時遇到困難，又要再改再做，時間從來都唔等人，要快。

總結：我覺得做生意好難，下次都係唔好。不過理論上（理論上），如果今日以上嘅嘢做好晒，解決晒，應該之後條路就會行得順啲，就好似之前嗰啲嘢咁。都係應該理論上越行越順。