上星期上海之行確實為我個人帶來很多啟發，因此本星期繼續寫低紀錄。誠如我喺上一星期週記段片入面講，有時可能行開下同人傾一傾計，講出自己面對嘅問題，可能對方比你嘅答案或者解決方法係唔啱用，但佢有可能令到你會有一個新嘅角度去諗件事，去自己「叮」一聲諗通咗。例如上星期喺上海，因為我們租咗架新 Tesla Model Y 去代步，Jason（THINKTHING STUDIO）揸車時常常提到架新嘅 Model Y 係無咗支波棍，轉波係要在個Mon到做，佢就每次開車轉波時唔方便時都話「哇阿ELON MUSK，你話 the best part is no part，真唔真呀師傅，咁樣得唔得㗎」，我喺車上聽咗好多次後，聽下聽下，慢慢入咗腦，喺自己諗緊做緊嘅產品時，都浮出依句，the best part is no part。諗下諗下，依句嘢雖然比人笑但如果認真諗其實係有佢智慧。
之後最有趣係我搭飛機返香港，中途睇書時，係一本完全唔關 ELON MUSK 嘅書，都見到類似嘅內容，可能往往你諗住一啲事會容易喺第啲地方會見到類似嘅內容。而有趣嘅係因為我依段時間工作上又遇到要逼我進步再上一層嘅情況，正當在苦惱在擔心在覺得真係實在太困難之時，依句係好幫到我手。佢令我諗通咗一啲嘢。 我覺得有時工作就係咁樣，死諗一樣嘢係唔得，往往係如果件事本身常常諗住，喺個 back of mind，到到見到合適嘅時候就會想通。
我喺上海時，有一個好大嘅啟發係或者我過去大半件做咗好多嘢，但有少許係迷失咗，係有啲自己好迷惘，外面啲人往往以為我好好，其實我仍然係我，無咩點樣好，搭同一架小巴返工，搭同一架小巴放工，然後都係自己帶飯咁樣，工作上我嘗試唔同方向，但其實都係咁上下。不過喺今次 Trip 之後，我得到咗一啲啟發，我覺得我重新搵到自己，然後，喺回來嘅時間，依排都真係個腦清醒咗，亦都重新搵到方向，我好清晰自己想如何亦都需要如何，我覺得係同人傾完計之後我自己係清楚咗好多！Lets go.
#184 My Trip to Shanghai (with video) and My Biggest Gain in the Last Six Months (14/12/2025)