「如果我變成一條蟲，你要錫條蟲先可以同我一齊，咁你仲會愛我嗎？」女孩倚著海濱長廊的欄杆，側面轉身向著男生，低頭嘀咕著。
男生輕輕笑了笑，緩緩伸手撥開女孩臉頰旁的頭髮，挽到她耳後。想不到如此老土的問題居然今時今日還有人問，人類科技發展神速，但去到最後，其實大家最珍重的，還是單純而無條件的愛。
以上不是寫小說，而係有原因寫的，點解突然會寫依啲，因為今個星期我哋喺上環永安擺一個為期四星期嘅 Roadshow，去到 8 月 31 日。想寫下關於上環永安 8 月份搞 Roadshow重返百貨嘅事，而當一星期搵一個時間靜落嚟，夜蘭人靜，獨自一人，諗起以上事，覺得其實兩者雖然一個係男女之間一啲對話，另一係商業決定，但其實背後嘅 Logic 都係一樣的。
去到依度講一講先：我知，大家都想知道個女仔嘅下文...... 無咩人想睇我寫點解重返百貨，喺上環永安 8 月份搞 Roadshow 嘅咩因由，或者大家都已拋諸腦後，但嗰個去到最後先講，依家先講返百貨。
其實可能有留意過我寫嘅周記都知道以往 Re Pillow 曾經有一段長時間，都喺沙田一田以及幾間嘅AEON百貨有放我哋嘅枕頭去作零售，亦都有曾經上年去過不同嘅百貨公司做過一啲 RoadShow，但係之後喺應該我諗上年寫過，因為百貨公司的拆賬模式同埋做事的方法，有時限制上面比較多，亦都唔係太配合我好想達到嘅 D2C （Direct to Consumer）嗰個做法，好似我哋同客人之間總係隔多咗一層，亦都對於個成本上令到客人要分擔多咗一份成本，因此當時不是太合適我哋，並且全部撤出百貨。今年 8 月，我決定再嘗試一次，喺上環永安做一個月嘅 roadshow，其實個原因係因為當然上年我以上寫嘅嗰啲原因都係非常真實嘅原因，但如果大家傾得到能夠有機會合作得到，某程度上百貨公司亦都係能夠幫助我哋去進入主流，進入主流依件事情亦都係我哋好想做到嘅目標，因為只有能夠進入主流令到我哋產品多啲人用，先可唔同人都可以搵到自己想要嘅款式，同埋喺生產上面成本可以透過更多人使用而可以價錢更加親民，可以更多人用到，而呢一件事係我真係想做，我覺得如果要讓 Re Pillow 各樣產品能夠普及化，係必須要經過嘅階段。因此我想試吓會否能夠攞到一個平衡點，可以繼續 Direct to Consumer 可以繼續直接對接客人，亦都可以喺百貨公司拆賬模式同埋做事的方法，可以同佢傾到一個比較好合作模式，令到我哋可以相得益彰。呢個其實就返返去文章開頭嘅故事「如果我變成一條蟲，你要錫條蟲先可以同我一齊，咁你仲會愛我嗎？」，如果我要錫條蟲（進入百貨），先可以同喜歡的女生一起（令 Re Pillow 進入主流，令到更多人可以用到，產品更改善，價錢更普及，款式更多，各樣都有進步），我願意。
呢個亦都係我當日回答佢嘅答案。
呢個亦都係我今日嘅做法，雖然唔知道最後係點，但我都會想嘗試。今個星期就寫到嚟呢度。多謝大家支持，希望有日夢想會成真。
#217 分擔工作的機遇與問題（02/07/2026）
#219 Poor Charlie's Almanack（16/08/2026）