最近一星期和雅芳婷的同事見面和傾談，依一個兩間公司合作已經公開咗，大家都知道我哋係有同佢哋合作用佢哋嘅摩登絲布料去做新床單，但今次講一啲之後有機會一齊做嘅 Project —— 依類形嘅合作有時係好敏感會有困難如何去拿捏同執行，試諗吓喺一間公司大家話嚟都係同一老闆，公司發展得好，同事都會有著數依個前提下尚且唔同人都好常有公司內部矛盾，或者內部嘅政治，如果兩間係唔同公司，利益某程度上係分開，點樣可以 come together 而可以合作得到，其實係唔易，去到最終其實係要大家都要係同一類人（稍後再講係咩類人）先得，若然係任何一方話事人以利益為先，都只能夠可以做到一時而唔能夠長遠合作，因為總會有人忍唔住最後會嗌交，大嘅係要好有胸襟，才可願意同細嘅合作。唯有兩方面都係想以做好件事為目標而付上真心，先可以成事，而如果成事，我覺得係會出到其他公司獨立一間公司出唔到嘅效果，我唔係想特別講我們之間嘅合作，而係我比較想講係如果兩間同行嘅公司去聯手，係好有機會可以做到一啲獨立一間公司做唔到嘅成績，好似最近江湖傳聞連鎖超級市場百佳和惠康有機會合併，如果佢哋兩個係想認真咁做（不是就咁樣合併完就算），係有機會可以做到極好嘅效果。
回望我係極度熱愛工作的人，尤其最近幾個月 implement system / automations 後，因為有啲工作終於可以轉交電腦做可以「甩手」，更發現自己係更熱愛工作（之前有時常常做一式一樣嘅某啲工作係會無咁鍾意），去想常常搞依樣嗰樣去微調同改良個公司，亦例如以上講嘅新機會，係令我好興奮同期待之後嘅工作的 。未來係點大家唔知，but let’s go. Let’s do this.
#199 在最忙的時候遇上問題必須正視解決（29/03/2026）