#202 上電台節目訪問（19/04/2025）

今個星期二上了香港電台一個電台節目做錄音訪問，內容喺度我唔先爆出嚟喇，之後播出時再講，但係係講到有啲自己亦無遇到，講到想喊嘅位置。錄音完成後，一路幾位出持送我走，我都 feel 到幾位主持對我睇法係同開頭入去錄音室嘅時候係唔同咗，我諗因為我做依件事（Re Pillow Co.）依個 project 本身由一開始到到而家，都係一個 passion project，有時依啲嘢太老土，無謂咁樣講，亦都我都有出糧嘅，不是咩偉大嘅人，但做一件事，是否真心投入去做定係只係為錢，我諗係喺言談間會流露。因此儘管好多人都未必好欣賞 YY Lam 依個補習老師，甚至有時我上網見到嘅說話都幾惡毒攻擊佢，我都係好支持 YY Lam，因為佢係一個放個心去做嘅人，係睇得出的，其實香港亦有其他都係好用心去做嘅人，但在此唔一一列舉，有時用心做唔代表會成功，甚至有啲人越用心做反而越比人針對。我諗喺依啲嘅情況其實無，唯一可以做就係捱過去而唔係只係「捱」，而係過程中要比人睇到你真係用心做而真係係想做到件事好，可能人無完人中間會有做錯，e.g. 早幾年試當真 YouTube Channel 也試過搞 NFT 比人話係呃錢，但去到佢哋一路做落去我諗大家都見到佢哋嘅真心同努力，賺錢係，當中一定係有賺錢，但並非話呃錢而無良嘅。要食飯不是無敵，但一路走來我覺得用心去做，同埋做好本業，係最重要。