#215 品質和內部系統改進、未能好好分配上下半年（19/07/2026）

最近工作有啲體會，就係發現呢個世界佢哋往往會比唔同嘅目標或者有不同嘅紛擾，同埋叫你做呢樣做嗰樣，但係去到最後你要為自己的工作去負責，你要去決定到底優次應該係點樣排，邊一樣做先邊一樣之後再處理，你到底想會犧牲品質/顧客滿意度而換來快速嘅生意盈利，還是願意犧牲依家嘅生意，甚至可能會令到自己痛苦，但係去解決一啲需要解決嘅問題，並且確保品質同埋未來嘅長遠發展同埋顧客的滿意程度。我覺得呢個係確實有少少似以前心理學嘅嗰個 delayed gratification 實驗，亦都當中過程之中有唔同人會同你講唔同嘅嘢，有機會會迷惑到你甚至都唔知道到底你依家行緊條路啱唔啱，會唔會最後係倔頭路。見過唔同嘅前輩選擇過唔同嘅路，亦都出來有唔同嘅效果，而我覺得係一般情況嚟講，其實真正最後都係唯有願意抵得住同埋辛苦，犧牲生意同埋眼前嘅利潤都去做一啲正確嘅事情，呢啲人往往就係最後行得最長的。如果只係着重眼前，或者比較側重於利潤，確實可能佢短期內係會比較豐過，但最後不能夠持久。因此過去的半年其實，我回顧返，頭嗰幾個月喺度處理一啲內部系統嘅自動化同埋改進，用科技去幫助管理同埋生產，起定一個好好嘅根基比之後，而最近幾個月就喺度處理緊一啲產品品質嘅提升，去領導可以同一個價錢換來更好嘅產品同享受，或者係一啲確保減少生產甩漏嘅情況出現，令到品牌更加可靠。其實就係做緊呢啲嘢，而呢個事情再加上其實背後亦都喺度做緊一啲新產品嘅設計同研究，亦都少少令到最近好似近半年都冇乜特別新款推出。其實有少少上下半年會有啲不平均，因為下半年就會有好多係上半年準備緊嘅產品就係下半年推出，不是太理想。不過過去幾年都好似係咁。需要改進。