#208 跟雅芳婷集團同事更多會面和討論（31/05/2026）

原來轉眼間已經寫咗 200 幾篇嘅週記。有時時間過得太快，我都不得不認自己己經不再是開始時嗰個 20 出頭嘅細路。過多半年就 29，你話是否老呢就絕對唔係，都仍係好後生，但個重點係唔係好耐之後就會講「過多幾年就 39」，再轉眼就會「過多幾年就 49」，人生就係如此快。今個星期去咗同雅芳婷同事見面，亦都去傾咗一啲事情，實際內容不能夠詳細在依度講，但不過都係一啲好事來的，其實我經常都覺得亦都在早前曾經提過同行嘅人，其實唔應該眼界太過狹窄，覺得是大家存在競爭不能做朋友的情況，當然有些同行做事的方法，我實在不認同，但是確實有時候亦有一些同行做事的方法嗰時很欣賞的，以及每間公司總有自己的長短處，若然能夠取長補短，大家都有好處，而最終受益的就會是消費者。

越做落去，越發現自己並唔係一個非常之成功並好確認嘅人，對於前路我往往係有啲半點迷惘亦係有半點 Certain 咁樣一半一半咁樣行嘅情況，有時好似近依一頭半個月，因為工作上有啲改動，係有啲少少迷失同有啲唔知點行嘅時候。我諗呢個都係正常嘅，不過冇人係知道完全未來係點樣去行，只能夠盡力做好自己現時嘅，不斷改善，將件事做好，希望可以做到好啲吧。